من وحى الخاطر ... استشارة طبية مدفوعة الاجر

اطمن وقول لى يا دكتور
وخد حق الاستشارة
القلب ليه يرجف ويثور
لما يشوف عيون سمارة
والدم يغلى ليه ويفور
وعلى الوجه باين حماره
والعقل يلف ويدور
وتفصل منه الاشارة
والجسم اصابه فتور
وعليت كمان الحرارة
وضغط من غير موتور
ملا للقلب كل جراره
عصام وسامى ونور
بيلفوا جوة الحارة
واللى كان .. مستور
بان وذاع انتشاره
وجزيرة وسط بحور
بركان وهاجت ناره
عدت من كل سور
مهما ارتفع جداره
واسودت نار التنور
بعد ماطال انتظاره
حبيبتى مليانة دور
ومساجد عالية المنارة
اسمها فى الكتاب مذكور
وماضى كله حضارة
وفيها للعز قصور
وهى اصل العمارة
وتاريخها له جذور
طالعة فى السما فنارة
هب الكتور مذعور
عقلك يا عم خسارة
طيب يادوك مشكور
عرفت اصل العبارة